Ter Shtegen «Jirona»ga o'tishga qaror qildi

Darvozabon Mark-Andre ter Shtegen "Barselona" zaxirasida qolib ketayotganidan xursand emas. Germaniyalik futbolchi Kataloniya klubini tark etishga qaror qildi - u "Jirona"da ijara asosida o'ynaydi.

Taniqli jurnalist Nil Solaning ijtimoiy tarmoqlarda ma'lum qilishicha, "Barselona", "Jirona" va ter Shtegenning o'zi o'rtasidagi kelishuv yakuniy nuqtada turibdi. Oxirgi tafsilotlarni hal qilish qoldi.

33 yoshli ter Shtegen maosh bo'yicha biroz talablarini pasaytirishga rozi bo'ldi.

"Jirona" futbolchi maoshining o'zi ko'tara oladigan qismini o'z zimmasiga oladi. "Jirona" ayni damda La Liga turnir jadvalida 13-o'rinda bormoqda.