"Real"ning sobiq futbolchisi: "Bu uzoq yillar davomidagi eng yomon "Real"

Madridning "Real" klubi sobiq futbolchisi va murabbiyi Alvaro Benito jamoaning hozirgi holati haqida gapirdi.

Hafta boshida "qaymoqranglilar" boshqaruvida Xabi Alonso o'rnini Alvaro Arbeloa egalladi, shundan so'ng Ispaniya kubogida "Albasete"dan sensatsion mag'lubiyat qayd etildi (2:3).

"Bu "Real"ning uzoq yillar davomidagi eng yomon jamoasi. Murabbiylar [muvaffaqiyatsizliklar uchun] butun mas'uliyatni o'z zimmalariga olishlari, futbolchilarni sa'y-harakatlari uchun maqtashlari meni xavotirga solmoqda. Agar bu futbolchilar qodir bo'lgan maksimum bo'lsa, unda ular shunchaki klub uchun etarlicha yaxshi emas," - deya Alvaro Benitoning so'zlarini keltiradi Madrid Xtra.

"Real" La Liga 19-turidan keyin turnir jadvalida 2-o'rinda bormoqda va "Barselona"dan 4 ochko ortda qolmoqda.