"Yuventus" jamoadan ketishi kutilayotgan Vlaxovich o'rniga APL klubi hujumchisini tanladi

"Yuventus" "Kristal Pelas" hujumchisi Jan-Filipp Matetaga qiziqish bildirmoqda.

Turin klubi 28 yoshli futbolchini Dushan Vlaxovichga o'rinbosar sifatida ko'rmoqda va ehtimoliy transfer haqida ma'lumot so'radi, deb xabar bermoqda jurnalist Janluka Di Martsio. Qayd etilishicha, transfer turinliklar bosh murabbiyi Luchano Spalletti tomonidan ma'qullangan - unga futbolchi yoqadi.

Inglizlar forvard uchun taxminan 40 million evro olmoqchi. "Yuventus"da taklifni hozir berish yoki yozgi transferlar mavsumini kutish haqida o'ylashmoqda.

Mateta joriy mavsum APLda 21 ta o'yinda maydonga tushdi va 8 ta gol urdi.