«Atletiko» Simeone bilan shartnomani uzaytirganini e'lon qildi

"Atletiko" o'zining rasmiy saytida vinger Juliano Simeone bilan shartnomani uzaytirganini e'lon qildi. 23 yoshli futbolchi 2030 yilning yarmigacha mo'ljallangan mehnat shartnomasini imzoladi.

Juliano Simeone - "Atletiko" bosh murabbiyi Diego Simeonening o'g'li. Futbolchi "matraschilar" safida 78 ta rasmiy o'yin o'tkazib, o'z hisobiga sakkizta gol va 16 ta golli uzatmani yozdirib qo'ygan.

"Atletiko" Ispaniya chempionati turnir jadvalida to'rtinchi o'rinda bormoqda. Diego Simeone jamoasi La Liganing navbatdagi o'yinini 18 yanvar kuni o'z maydonida "Alaves"ga qarshi o'tkazadi.