AQSh hamda Venesuela o'rtasidagi mojaro ortidan muxlislar 2026-yilgi Jahon chempionatini boykot qilishni boshladi

AQSh, Meksika va Kanadada bo'lib o'tadigan 2026-yilgi futbol bo'yicha Jahon chempionati uchun oldindan chipta xarid qilgan qariyb 17 ming nafar muxlis ularni qaytarib berishga qaror qildi. Bu haqda Give Me Sport nashri xabar berdi.

Manbaga ko'ra, mazkur holat AQShning Venesuelaga nisbatan olib borayotgan siyosatiga qarshi norozilik belgisi sifatida izohlanmoqda. Nashrning ma'lum qilishicha, turnirni boykot qilish bo'yicha chaqiriqlar hamda oldindan sotib olingan chiptalarning ommaviy qaytarilishi FIFAni kelasi haftada favqulodda yig'ilish o'tkazadi. Unda xavfsizlik masalalari, siyosiy xavotirlar hamda muxlislar boykoti bilan bog'liq muammolar muhokama qilinishi rejalashtirilgan.

Mazkur vaziyat fonida FIFA Jahon chempionati uchrashuvlari uchun chiptalar narxi ikkilamchi bozorda sezilarli darajada pasaya boshlagani qayd etilmoqda. Avvalroq 2026-yilgi Jahon chempionati uchun chiptalarga bo'lgan talab juda yuqori ekanligi haqida xabar berilgan edi. FIFA xabariga ko'ra, turnir uchun 500 milliondan ortiq chipta so'rovi kelib tushgan.

Ma'lumot o'rnida, Fabio Kannavaro boshchiligidagi O'zbekiston terma jamoasi ham o'z tarixida ilk marta mundialda ishtirok etadi. Jamoa Portugaliya, Kolumbiya hamda pley-off orqali yo'llanmani qo'lga kiritadigan jamoa (Yamayka, Kongo va Yangi Kaledoniya) bilan “K” guruhidan joy oldi.