«Real TV» jamoa muvaffaqiyatsizligiga izoh berdi

Madridning "Real" klubi Ispaniya Kubogining 1/8 finalida "Albasete"ga (2:3) sensatsion tarzda mag'lub bo'ldi va turnirni tark etdi. "Qirollik klubi" klubi televideniesi jamoaning muvaffaqiyatsizligiga izoh berdi.

"Bu "Real" uchun juda yomon imij. Bu o'yinda o'zimizni ko'rsata olmadik. Yangi murabbiy aybdor emas. Uch kun ichida jamoa ikkita unvondan mahrum bo'ldi. Hamma narsa o'zgarishi kerak. Biz o'z o'yinimizni imkon qadar tezroq yaxshilashimiz kerak," - deya klub telekanali so'zlarini keltirmoqda Football Espana.

O'tgan bahs Alvaro Arbeloa uchun "qirollik klubi" boshqaruvidagi debyuti bo'ldi. Kuni kecha Xabi Alonso jamoani tark etgandi.