O'zbekiston velosport bo'yicha Osiyo chempionatida 7 ta medalni qo'lga kiritdi
/ Kiritdi: BestMaster Ko'rilgan: 1781
O'zbekiston terma jamoasining 8-13 yanvar kunlari Indoneziya poytaxti Jakarta shahrida o'tkazilgan velosportning trek yo'nalishi bo'yicha Osiyo chempionatidagi ishtiroki haqida xabar bergan edik.
Nufuzli musobaqada yurtimiz sharafini Vadim Shaexov murabbiyligi ostida ayol sportchilarimiz Olga Zabelinskaya, Ekaterina Knebelova, Yanina Kuskova va erkaklardan Danil Evdokimov, Aleksey Fomovskiy, Dmitriy Sirko hamda Murodjon Xolmurodov himoya qilishdi.
Yakuniy natijalarga Olga Zabelinskaya 1 ta oltin, 1 ta kumush va 1 ta bronza medallari sohibasiga aylangan bo'lsa, Yanina Kuskova 1 ta kumush va 1 ta bronza medaliga sazovor bo'ldi. Murod Xolmurodov esa 1 ta bronza medaliga ega chiqdi. Juftlik poygasida O.Zabelinskaya va E.Knebelova kumush medaliga sazovor bo'lishdi.
Musobaqalar sportchilarga 2020 yili Tokioda bo'lib o'tadigan Olimpiya va Paralimpiya o'yinlarida ishtirok etish uchun reyting ballarini taqdim etadi.