Valexo "Real"ga qarshi o'yinni o'tkazib yuboradi

"Albasete" himoyachisi Xesus Valexo Ispaniya Kubogi 1/16 finalidan o'rin olgan "Real"ga qarshi o'yinni o'tkazib yuboradi.

Jamoalar bugun musobaqada Toshkent vaqti bilan 01:00da to'qnash kelishadi.

O'yindan bir necha soat oldin Castilla-La Mancha en juego mushaklaridagi muammolar tufayli Valexo tarkibga kiritilmagani haqida xabar berdi.

Shu tariqa, 29 yoshli futbolchi 5 mavsum davomida to'p tepgan sobiq jamoasiga qarshi maydonga tusha olmaydi. Ispaniyalik futbolchi o'tgan mavsum oxirida shartnomasi muddati tugaganidan keyin "Madrid"ni tark etgandi. Iyul oyida u "Albasete"ga erkin agent sifatida qo'shildi.