Arne Slot jiddiy jarohat olgan Bredli o'rniga futbolchi tanladi

Angliyaning "Liverpul" klubi "Borussiya" Dortmundning 28 yoshli norvegiyalik himoyachisi Yulian Ryuerson bilan shartnoma imzolash haqida o'ylamoqda. Bu haqda Absolut Fussball nashri yozmoqda.

Manbalarga ko'ra, transfer yanvar oyidayoq amalga oshishi mumkin, chunki mersisaydliklarga jarohat olgan Konor Bredli o'rniga o'yinchi kerak. Ryuerson asosan o'ng qanot himoyasida o'ynaydi, lekin chap va markaziy himoyada ham harakat qilishi mumkin.

Norvegiyalik futbolchi "Union"dan Dortmundning "Borussiya" klubiga 2023 yilda o'tgan. U joriy mavsum Bundesligada 16 ta o'yinda maydonga tushdi va 5 ta golli uzatmani amalga oshirdi.