Sobiq murabbiy: "Arbeloa Mourinoga o'xshashni istaydi"

"Selta", "Reyms" va "Brayton" klublarining sobiq bosh murabbiyi Oskar Garsiya Alvaro Arbeloaning "Real"ga tayinlangani haqida fikr bildirdi.

42 yoshli mutaxassis madridliklar jamoasini dushanba kuni - Xabi Alonso ketganidan keyin qabul qilib oldi.

"U Mourinoga o'xshashni istaydi va hozirda "Real" murabbiyi bo'lib turganining yagona sababi shundaki, u faqat Mourino haqida gapiradi.

Taktika nuqtai nazaridan, "Kastilya"ning men ko'rgan bir nechta o'yinlariga qaraganda, u Xabi Alonso darajasida emas.

U Xabi Alonso bilan chiqisha olmagan futbolchilar bilan ishlaydi. Prezident uni qanchalik qo'llab-quvvatlamasin, ipni kim tortishi hali noma'lum. Prezident uchun Vinisius muhimmi yoki Arbeloa?

U muxlislar undan qanday o'yin xohlayotganini biladi... ammo vaziyatni o'zgartirish uchun u o'zini juda yaxshi ko'rsatishi kerak bo'ladi," - dedi Garsiya Catalunya Radio efirida Tot Costa ko'rsatuvida.