Arbeloa "Real" o'yinini yoshlarga tayanib qurishga tayyor

"Real"ning yangi bosh murabbiyi Alvaro Arbeloa kerak bo'lsa, hech qanday muammosiz yosh futbolchilarga ishonadi.

42 yoshli murabbiy "qaymoqranglilar" asosiy jamoasining barcha futbolchilari bilan ishlashdan mamnun, biroq agar ulardan biri o'zini munosib darajada ko'rsata olmasa, ispaniyalik mutaxassis bajonidil ularning o'rniga klub akademiyasining yosh tarbiyalanuvchilarini sinab ko'radi, deb xabar beradi Diario AS. Arbeloa "Kastilya" vakillariga to'liq ishonadi, ularning ba'zilarini bir necha bor asosiy tarkib uchun o'ynashga tayyor deb atagan.

Alvaro Arbeloa dushanba kuni o'z lavozimiga tayinlandi. U Xabi Alonsoning o'rnini egalladi.