Arbeloa "Real"da qanday shart bilan qolishi ma'lum bo'ldi

Madridning "Real" klubi bosh murabbiyi Alvaro Arbeloa ma'lum shartlar asosida jamoa bilan ishlashda davom etishi mumkin.

Ispaniyalik murabbiy Superkubok finalida "Barselona"dan uchralgan mag'lubiyatdan (2:3) keyin iste'foga chiqarilgan Xabi Alonso o'rnini egalladi.

Mashhur sobiq himoyachi yozgacha tayinlangan, biroq u uzoqroq qolishi mumkin: insayder Fabritsio Romanoning ma'lum qilishicha, "Real" bosslari Arbeloaga agar u joriy mavsumda sovrinlar yutib, futbolchilar bilan munosabatlarni yo'lga qo'ysa, keyingi mavsumda ham jamoani boshqarishda davom etishini aytgan.

Agar mutaxassis qo'yilgan vazifalarni uddalay olmasa, yozda klub yangi murabbiy qidiradi.