"Manchester Yunayted"da Kerrikka vazifa qo'yildi

Maykl Kerrik mavsum yakuniga qadar "Manchester Yunayted" bosh murabbiyi vazifasini bajaruvchi sifatida ish boshladi.

Ingliz oy boshida ishdan bo'shatilgan Ruben Amorim o'rnini egalladi. The Athletic xabariga ko'ra, klub yangi murabbiy va uning shtabi oldiga jamoani Chempionlar ligasiga olib chiqish bo'yicha aniq vazifa qo'ygan. Bu "qizil iblislar"ning joriy mavsumdagi asosiy maqsadi.

Maykl Kerrikning shartnomasi yozgacha mo'ljallangan. Ayni paytda "Manchester Yunayted" Angliya premer-ligasi turnir jadvalida ettinchi o'rinda bormoqda, ammo to'rtinchi o'rindagi "Liverpul" bilan oradagi farq katta emas - atigi uch ochko.