«Reynjers» Shotlandiya kubogidan chiqib ketdi

"Reynjers" klubi Shotlandiya kubogi chorak final bosqichi doirasida "Xarts" maydoniga safar uyushtirib, mag'lubiyatga uchradi.

Mezbonlar 58-daqiqada Bozanich tomonidan urilgan gol evaziga g'alaba qozonishdi. Shu tariqa, Stiven Jerrard shogirdlari sovrin yo'lidagi kurashni to'xtatishdi.

"Xarts" - "Reynjers" 1:0
Gol: Bozanich, 58 - 1:0

Ma'lumot o'rnida. "Reynjers" Shotlandiya chempionatida "Seltik"dan 12 ochko ortda qolgan holda, 2-o'rinda bormoqda. Jamoa Evropa ligasi nimchorak final bosqichiga chiqdi.