Alonso «Real» rahbariyati futbolchilarga katta vakolatlar berib qo'yganidan juda norozi bo'lgan

Xabi Alonso dushanba kuni "Real" bosh murabbiyligidan ketdi. El Larguero dasturida Alonsoning iste'fosi haqida qaror qabul qilingan yig'ilishda murabbiy klubni tanqid qilgani haqida ma'lumot berildi.

Uchrashuvda Alonso klub futbolchilarga bunchalik katta vakolat bermasligi kerakligini aytdi. Xabi agar klub doimiy ravishda futbolchilar tomonida bo'lsa, murabbiyga kiyinish xonasini nazorat qilish qiyin bo'lishini ta'kidladi.

"Real"ning yangi ustozi Alvaro Arbeloa bo'ldi. Jamoa navbatdagi o'yinni 14 yanvar, chorshanba kuni Ispaniya kubogi doirasida "Albasete"ga qarshi o'tkazadi.