«Barselona» Joau Kanseluning ijarasi haqida yana bir bor e'lon qildi

«Barselona» ijtimoiy tarmoqlardagi sahifalari orqali «Al-Hilol» klubidan o'ng qanot himoyachisi Joau Kanseluni mavsum oxirigacha ijaraga olganini qaytadan rasman e'lon qildi.

Bugun ertalab "ko'k-anorranglilar" portugaliyalik futbolchining ijaraga olinganini ma'lum qilgan edi, ammo keyinchalik o'yinchi transferi haqidagi barcha xabarlarni klub rasmiy sayti hamda ijtimoiy tarmoqlaridan o'chirib tashladi.

Ma'lum qilinishicha, «Barselona» Kanselu transferi haqida ilk bor e'lon bergan paytda Saudiya klubi tomonidan kelishuvni yakunlash uchun zarur bo'lgan hujjat taqdim etilmagan.

Joau Kanselu 2023–2024 yillar oralig'ida «Barselona» safida to'p surgan. Ushbu davr mobaynida u barcha musobaqalarda 42 ta o'yin o'tkazib, 4 ta gol urdi va 5 ta golli uzatmani amalga oshirdi. Transfermarkt portali ma'lumotlariga ko'ra, futbolchining bozor qiymati 10 million evroni tashkil etadi.

Barça is your home, João ???????? pic.twitter.com/vHmAjVgIcD