"Milan" "Bavariya" yarim himoyachisini nishonga oldi

"Bavariya" yarim himoyachisi Leon Goretska faoliyatini Italiya chempionatida davom ettirishi mumkin.

Bu haqda La Gazetta dello sport nashri xabar bermoqda. Qayd etilishicha, 30 yoshli futbolchining xizmatlariga "Milan" qiziqish bildirmoqda, transferning o'zi esa yozda, xavbek erkin agentga aylanganida amalga oshishi mumkin.

Goretska Myunxen klubida 2018 yildan buyon to'p tepib kelmoqda. U "Bavariya" safida 288 ta o'yinda maydonga tushib, 47 ta gol urgan va 48 ta golli uzatmani amalga oshirgan. Uning klub bilan shartnomasi 2026 yilning yarmigacha mo'ljallangan.