15 yildan keyin «Lokomotiv» darvozasini legioner o'yinchi qo'riqlaydi

«Lokomotiv» PFK tarkibini kuchaytirish yo'lida darvozabon Aleksey Kozlov bilan shartnoma imzoladi.

O'tgan mavsumda Qirg'iz Respublikasining «Neftchi» klubi tarkibida harakat qilib, 25 o'yinda 1 gol urgan va 4 ta bahsda o'z darvozasi daxlsizligini saqlab qolgan rossiyalik darvozabon yangi mavsumda "temiryo'lchilar" sharafini himoya qiladi.

Shu orqali 2010 yilgi mavsumdan keyin ilk marta «Lokomotiv» tarkibida legioner kiper bo'ladi. So'nggi marta xorijlik posbon sifatida Aleksandr Filimonov 2010 yil 31 oktyabrda «Lokomotiv» darvozasini qo'riqlagandi.