"Liverpul" muhim himoyachisini yo'qotishga yaqin turibdi

"Liverpul" markaziy himoyachisi Ibrohim Konate katta ehtimol bilan joriy mavsum yakunida ingliz top-klubini tark etadi. Bu haqda insayder Devid Ornshteyn ijtimoiy tarmoqlar orqali ma'lum qildi.

Manbaga ko'ra, tomonlar o'rtasida yangi shartnoma bo'yicha muzokaralarda oldinga siljish yo'q. Konatening "qizillar" bilan amaldagi mehnat shartnomasi 2026 yilning yozida yakuniga etadi.
Avvalroq matbuotda unga Madridning "Real" va Kataloniyaning "Barselona" klublari qiziqish bildirayotgani haqida xabarlar tarqalgan edi.

Angliya premer-ligasining joriy mavsumida 26 yoshli frantsuz 21 ta uchrashuv o'tkazib, 5 ta sariq kartochka oldi.