"Yuventus" 7 ta o'yindan beri yutqazmayapti

"Yuventus" mag'lubiyatsiz seriyasini uzaytirdi.

Bugun Luchano Spalletti jamoasi A Seriyaning 20-turida "Kremoneze"ni 5:0 hisobida mag'lub etdi.

Barcha musobaqalardagi so'nggi etti o'yindan oltitasida "Byankonerlar" g'alaba qozongan va bittasida durang o'ynagan. Turinliklar A Seriya turnir jadvalida 39 ochko bilan to'rtinchi o'rinda bormoqda.

"Yuventus"dan yuqorida "Inter" (43 ochko), "Milan" (40) va "Napoli" (39) bor. Bu jamoalarning barchasi "Yuventus"dan bitta o'yin kam o'tkazgan.