Gvardiola Semenoning debyutiga baho berdi

"Manchester Siti" bosh murabbiyi Xosep Gvardiola Antuan Semenoning debyut o'yini haqida gapirdi.

Hujumchi "shaharliklar"ga Angliya kubogida "Ekseter"ni mag'lub etishga yordam berdi. Futbolchi "gol+pas" tizimida "1+1" ko'rsatkich qayd etdi.

"U haqiqatan ham yaxshi yigit va bir necha vaziyatlarda "Bornmut"dagi harakatlarini namoyish etdi va umid qilamanki, u bu erda ham shu ruhda davom eta oladi," - deya Gvardiolaning so'zlarini keltiradi "Manchester Siti" matbuot xizmati.

Antuan Semeno "Bornmut"dan "Manchester Siti"ga o'tdi.

Transfermarkt ma'lumotlariga ko'ra, transfer qiymati 72 mln evroni tashkil qilgan. Bu mavsumda futbolchi APLda 20ta o'yin o'tkazdi. Ularda hujumchi 10 ta gol urdi va uchta golli uzatmani amalga oshirdi.