Lukas Paketa Braziliyaga qaytishi mumkin

Lukas Paketa yanvar oyida "Vest Xem"ni tark etishga tayyor.

TalkSPORT xabariga ko'ra, yarim himoyachi Braziliya chempionatiga qaytishni istamoqda. Xabar qilinishicha, Paketani "Flamengo" o'z safiga qo'shib olmoqchi, braziliyalik futbolchiga "Aston Villa" va "Tottenxem" klublari ham qiziqish bildirmoqda. Shu bilan birga, "Vest Xem" bosh murabbiyi Nunu Eshpiritu Santu xavbekni jamoada olib qolmoqchi.

Paketa joriy mavsum APLda 18 ta o'yinda 4 ta gol va bitta golli uzatmaga mualliflik qildi.