"Atletiko" hujumchisi "Roma" o'rniga A Seriyaning boshqa bir top-klubiga o'tishni istamoqda

Madridning "Atletiko" klubi hujumchisi Jakomo Raspadori "Roma"ga o'tishdan bosh tortishi mumkin.

Bitim allaqachon kelishilgan: "matraschilar" hujumchini Rim klubiga 19 mln evroga sotib olish imkoniyati bilan 2 mln evroga ijaraga berishga tayyor. Shunga qaramay, jurnalist Nikolo Skiraning ma'lum qilishicha, hujumchining o'zi "Roma"ga o'tish maqsadga muvofiqligiga 100 foiz ishonmayapti. Rimga ko'chib o'tish o'rniga futbolchi "Napoli"ga qaytishni afzal ko'radi - bunday stsenariy istisno qilinmaydi, ammo avvaliga neapolliklar Lorentso Lukkani sotishi kerak.

Eslatib o'tamiz, Jakomo Raspadori 2025 yilning avgustida "Napoli"dan "Atletiko"ga o'tgan edi. Diego Simeone jamoasi safida italiyalik futbolchi 15 ta o'yinda maydonga tushib, 2 ta gol va 3 ta golli uzatmaga mualliflik qilgan.