«Buxoro» serbiyalik himoyachi bilan shartnoma imzoladi

«Buxoro» professional futbol klubi o'z safiga yangi futbolchi — serbiyalik markaziy himoyachi Velko Filipovichni qo'shib oldi.

1999 yil 11 oktyabrda tug'ilgan futbolchi professional faoliyati davomida Tailand chempionatida bir qator klublar safida to'p surgan. U baland bo'yi, jismoniy kuchi va himoyadagi ishonchli o'yini bilan ajralib turadi.

Faoliyati davomida Velko Filipovich quyidagi klublar sharafini himoya qilgan:

«Yavor» Ivanitsa (Serbiya)
«Sindjelich» Belgrad (Serbiya)
«Ayuttxaya Yunayted» (Tailand)
«Bi Ji Patum Yunayted» (Tailand)
«Chiangmay» (Tailand)
«Chiangray Yunayted» (Tailand)
«Nakxon Patxom Yunayted» (Tailand)
«Rayong» (Tailand).