Ronaldu: «Yuventus» – «Inter» o'yini – bu «Barselona» – «Real» to'qnashuvi kabi»

«Yuventus» hujumchisi Krishtianu Ronaldu Italiya chempionatining 26-turi doirasida bo'ladigan «Inter»ga qarshi o'yin oldidan o'z fikrini bildirib o'tdi.

«Bu xuddi «Barselona» – «Real» o'yini kabi. Fantastik jamoaga qarshi ajoyib o'yin bo'ladi. Uchrashuvda muxlislar bo'lmasligidan xafamiz. Lekin bizning vazifamiz — g'alaba qozonish. Muxlislarsiz o'ynash yoqimsiz, lekin ularning sog'lig'i — muhim. Ishqibozlarsiz o'ynash qarorini hurmat qilaman», – dedi Ronaldu.

«Yuventus» – «Inter» o'yini 1 mart kuni bo'lib o'tadi.