Akademik eshkak eshish. Sportchilarimiz mashg'ulotlarni qizg'in davom ettirmoqdalar

Sport terma jamoalarimiz Milliy olimpiya qo'mitasi tomonidan ishlab chiqilgan strategiya asosida Tokio 2020 Olimpiadasiga tayyorgarlik ko'rishda davom etmoqdalar.

Atletlarimizni 2019 yilda qator reyting musobaqalari kutib turibdi. Ana shu maqsadda akademik eshkak eshish bo'yicha O'zbekiston terma jamoasi a'zolari yangi mavsumga jiddiy hozirlik ko'rmoqdalar. Eshkak eshuvchilarimiz o'quv-mashg'ulot yig'inlarining birinchi bosqichini Toshkent viloyatidagi Tuyabo'g'iz suzish havzasida olib bormoqdalar. 16 yanvardan boshlab esa mashg'ulotlar Toshkent viloyatidagi maxsus eshkak eshish kanalida davom ettiriladi.

O'quv-mashg'ulot yig'inlarida 27 nafar sportchi ishtirok etmoqda. Jumladan, Alisher Turdiev, Sardor To'lqinxo'jaev, Farrux Astanov, Jasur Mavlonov, Shaxboz Xolmurzaev, Abdullo Muhammadiev, Shaxboz Abdujabborov, O'ktam Davronov, Zafar Usmonov, Shohjaxon Najmiev, Shehroz Hakimov, Alisher Yarov, Anatoliy Krasnov, Otamurod Raximov, Mehroj Mamatqulov, Shahzod Nurmatov, Bekzod Xolmirzaev, Malika Tagmatova, Luiza Islomova, Luiza Gafurbaeva, Tatyana Kim, Abbos Abdushukurov, Davrjon Davronov, Evgeniy Agofonov, Shaxzod Abdurahmonov, Abdulaziz Raximjonov, Dostonjon Baxrievlar musobaqalarga tayyorgarlikni olib bormoqdalar. Ular murabbiylar T.Isoboev, B.Bobojonov, S.Tyan qo'l ostida yig'inda ishtirok etishmoqda.

O'quv-mashg'ulot yig'inlari 8 fevralga qadar davom etadi.