A Seriya. "Inter" safarda "Parma" ustidan ishonchli g'alabani qo'lga kiritdi

Italiya A Seriyasi-2025/2026 yilgi mavsum 19-turidan o'rin olgan "Parma" - "Inter" uchrashuvi yakuniga etdi. Bahsda mehmonlar 2:0 hisobida g'alaba qozondi.

O'yindagi ilk gol 42-daqiqada kiritildi. Hujumchi Franchesko Espozito uzatgan to'pni himoyachi Federiko Dimarko darvozaga joylab qo'ydi. Milanliklar hujumchisi Anj-Yoan Bonnining 90+4-daqiqadagi goli VAR tekshiruvidan keyin qo'l bilan o'ynagani uchun bekor qilindi. 90+8-daqiqada frantsiyalik Markus Tyuram mehmonlarning ikkinchi goliga mualliflik qildi.

"Inter" mavsumdagi ochkolari sonini 42taga etkazib, "Milan" va "Napoli"dan 4 ochkoga o'zib ketdi. "Rossonerilar"da esa bitta zaxira o'yini qolgan. "Parma" A Seriya turnir jadvalida 15-o'rinda qoldi. Jamoa hisobida 18 ta uchrashuvda 18 ochko mavjud.

Parma - Inter - 0:2

Gollar: Dimarko, 42 (0:1). Tyuram, 90 (0:2)

Parma: Korvi, Valeri, Chirkati, Del Prato, Brichgi, Serensen, Keyta (Kremaski, 86), Bernabe (Esteves, 75), Ondreyka (Ordones, 62), Pelegrino (Kutrone, 75), Oristanio (Almkvist, 62)

Inter: Zommer, Karlos Augustu, Akandji, Bissek, Dimarko, Mxitaryan, Xakan Chalxanoglu (Zelinski, 69), Suchich (Barella, 69), Luis Enrike (Acherbi, 85), Espozito (Tyuram, 79), Martines (Bonni, 85)

Ogohlantirishlar: Xakan Chalxanoglu, 34. Karlos Augustu, 90. Tyuram, 90