"Inter" o'z futbolchisini tug'ilgan kuni bilan tabrikladi

Braziliyalik himoyachi Karlos Augusto bugun tug'ilgan kunini nishonlamoqda.

U 27 yoshga to'ldi va 2023 yilda Italiyaga ko'chib o'tganidan so'ng, "Inter" safida uchinchi mavsumini o'tkazmoqda.

Bu vaqt ichida u klub safida barcha musobaqalarda 118 ta o'yinda maydonga tushib, oltita gol urdi. Augusto 2024 yilda Italiya chempionligini qo'lga kiritdi va shuningdek, Italiya Superkubogida ham g'olib chiqdi.

"Inter" matbuot xizmatining yozishicha, "Inter"ning butun oilasi Karlosni tug'ilgan kuni bilan qizg'in tabriklaydi.