Frantsiya terma jamoasi a'zosi faoliyatini Turkiyada davom ettiradi

Rimning "Latsio" klubi yarim himoyachisi Mateo Genduzi Turkiya Superligasiga ko'chib o'tishga yaqin turibdi, uning xizmatlariga Istanbulning "Fenerbaxche" klubi qiziqish bildirmoqda.

Insayder Yagiz Sabuncho'g'lining ma'lum qilishicha, klublar muvaffaqiyatli muzokaralar olib borgan va transfer bo'yicha kelishuvga erishgan. Bitim summasi 30 million evroni tashkil etadi.

26 yoshli frantsiyalik xavbek 2024 yilning yozidan beri rimliklar sharafini himoya qilmoqda. Uning "burgutlar" bilan mehnat shartnomasi 2028 yil iyun oyi oxirigacha mo'ljallangan.

Joriy mavsumda Genduzi Italiya A Seriyasida 15 ta o'yin o'tkazib, 2 ta gol va 1 ta assistni o'z hisobiga yozdirib qo'ydi.