Rasman. Rosenor ketganidan keyin O'Nil "Strasburg"ni qabul qilib oldi

Britaniyalik mutaxassis Gari O'Nil Frantsiya chempionatida ish boshladi. 42 yoshli murabbiy "Strasburg" bosh murabbiyi lavozimini Liam Rosenor ketganidan so'ng egalladi. Bu haqda klub matbuot xizmati xabar berdi.

Angliya Premer-ligasida O'Nil "Bornmut" va "Vulverxempton"dagi faoliyati bilan tanilgan.

Angliyalik mutaxassis 8 yanvar, payshanba kuni ilk mashg'ulotini o'tkazadi. Uning qo'l ostidagi "Strasburg" debyut o'yinini 10 yanvar, shanba kuni Frantsiya kubogida o'tkazadi.

Liga 1 turnir jadvalida 24 ochko to'plagan jamoa jadvalda ettinchi o'rinni egallab turibdi.