Glasner Gexi "Manchester Siti"ga o'tishi mumkinligini tasdiqladi

"Kristal Pelas" bosh murabbiyi Oliver Glasner qishki transferlar davrida markaziy himoyachi Mark Gexi sotilishi mumkinligi haqida fikr bildirdi.

"Burgutlar" sardorining shartnomasi mavsum tugagandan so'ng tugaydi - agar u yanvar oyida sotilmasa, yozda erkin agent sifatida ketadi. 25 yoshli markaziy himoyachini jarohati tufayli himoyada kadrlar masalasida muammolarga duch kelayotgan "Manchester Siti" o'z safiga qo'shib olmoqchi.

"Gexining shartnomasi yozda tugaydi. Agar kimdir uni olib ketish uchun taklif bilan kelsa, klubimiz bu holatda moliyaviy masala sport masalasidan muhimroq degan qarorga kelishi mumkin. Men sodda emasman, shuning uchun agar "Manchester Siti" foydali taklif bilan chiqsa va Mark u erga o'tishni istasa, bu sodir bo'lishini tushunaman," - deya Glasnerning so'zlarini keltiradi City Report.

Transfermarkt portali Mark Gexining narxini 55 mln evroga baholamoqda.