Yamal "Barselona" mashg'ulotlarida ishtirok etmadi

"Barselona" vingeri Lamin Yamal "Atletik"ka qarshi o'yin oldidan jamoa mashg'ulotlarida ishtirok etmadi.

Marca xabariga ko'ra, futbolchi zalda individual dastur asosida ishlagan, biroq Kataloniya klubida xavotirga o'rin yo'q. Qayd etilishicha, ispaniyalik futbolchining umumiy mashg'ulotlarda ishtirok etmayotgani jiddiy muammolar bilan bog'liq emas.

Ispaniya Superkubogi yarim finalidan o'rin olgan "Barselona" - "Atletik" uchrashuvi ertaga bo'lib o'tadi.