«Paxtakor» va davlatga tegishli yana 4ta futbol klubi sotuvga qo'yiladi, bitta klub tugatiladi

Davlat ulushi bor O'zbekistondagi oltita futbol klubi sotuvga qo'yiladi. GoSport.uz manbasi xabariga ko'ra haqda O'zbekiston prezidenti Shavkat Mirziyoevning tegishli qarori imzolanishi kutilmoqda.

Iqtisodiyotda davlat ishtirokini tubdan qisqartirish, davlat aktsiya paketlari (ulushlari)ni sotish orqali xususiy sektor rivojlanishi uchun sharoit yaratish maqsadida chiqarilayotgan qaror loyihasida O'zbekistondagi oltita futbol klublari nomi ham sanab o'tilgan.

Qarorga ko'ra, Termizning «Surxon» va «Buxoro» klublari 100 foiz aktsiyasi sotuvga qo'yilgan bo'lsa, «Paxtakor» klubining Toshkent shahar hokimligiga tegishli 20 foiz, «Dinamo» klubining Samarqand hokimligiga tegishli 7,1 foiz va «Neftchi» klubining Jismoniy tarbiya va sport vazirligiga tegishli 3 foiz aktsiyalari ham sotuv uchun qo'yiladi. Sirdaryoning «Guliston» klubi (30 foiz aktsiyasi viloyat hokimligiga tegishli) esa bankrotlik tamoyili asosida tugatiladi.