"Ikki xil stsenariyga tayyorlanish kerak". Makfarleyn - "Chelsi"ning "Fulxem" bilan uchrashuvi haqida

Angliyaning "Chelsi" klubi bosh murabbiyi vazifasini bajaruvchi Kalum Makfarleyn Angliya Premer-ligasi 21-turidan o'rin olgan "Fulxem"ga qarshi o'yin haqida gapirdi. Uchrashuv 7 yanvar kuni bo'lib o'tadi. Uning qayd etishicha, "Fulxem" o'tgan turda "Liverpul"ga qarshi o'yinda (2:2) sxemani o'zgartirgan va uchta himoyachi bilan o'ynagan.

"Ular mavsumning katta qismidan farqli o'laroq boshqacha o'ynashdi. Shuning uchun biz ikki xil stsenariyga tayyorgarlik ko'rishimiz va ikkala reja o'rtasida maksimal moslikni topishga harakat qilishimiz kerak, shunda ular biz kutgan narsani qilmasa, ko'p narsani o'zgartirishga to'g'ri kelmaydi.

Ammo "Manchester Siti" bilan o'yindagi kabi har qanday stsenariyga tayyor bo'lamiz. O'ylaymanki, ular buni juda yaxshi bajarishdi, shuning uchun biz voqealarning har qanday rivojiga tayyor bo'lamiz," - deya Makfarleynning so'zlarini keltiradi "Chelsi" rasmiy sayti.