«Manchester Siti»ning yangi yulduzi qachon jamoa uchun tibbiy ko'rikdan o'tishi ma'lum

"Bornmut" hujumchisi Antuan Semeno 8 yanvar, payshanba kuni "Manchester Siti"ga o'tishdan oldin tibbiy ko'rikdan o'tadi. Bu haqda Sky Sports Premier League X ijtimoiy tarmog'ida ma'lum qildi.

Avvalroq, "Manchester Siti" Antuan Semenoning "Bornmut" bilan shartnomasida ko'rsatilgan 65 mln funt (74,8 mln evro) miqdoridagi tovon pulini to'lashi xabar qilingandi.

Angliya Premer-ligasining joriy mavsumida 25 yoshli Antuan Semeno 19 ta o'yinda maydonga tushdi va 9 ta gol hamda 3 ta golli uzatmaga mualliflik qildi. Shuningdek, hujumchi Angliya Liga kubogida bitta o'yin o'tkazgan.