Maynu Amorimning ustidan kulganlarni qo'llab-quvvatladi

Ijtimoiy tarmoqlarda Ruben Amorimning "Manchester Yunayted" bosh murabbiyligidan iste'foga chiqarilgani haqida hazil qilishmoqda. Nashrlardan birida odamlar jilmayib turgan fotosurat keltirilgan. Muallif hazil tariqasida bu odamlarni Ruben Amorim va uning shtabi deb tanishtirgan.

"Men ham 10 million funt tovon puli olsam, kulgan bo'lardim," - deyiladi surat ostiga qo'yilgan izohda.

Goal portali ushbu postga "Manchester Yunayted" yarim himoyachisi Kobbi Maynu "layk" bosganiga e'tibor qaratdi. Ma'lumki, futbolchi Amorim qo'l ostida kam o'yin amaliyoti olayotganidan norozi edi.