Sardor Azimov yangi mavsumda ham «Andijon» sharafini himoya qiladi

«Andijon» klubi yangi mavsum uchun tarkibni shakllantirish doirasida tajribali futbolchilaridan biri — Sardor Azimov bilan hamkorlikni davom ettiradi. Bu borada ikki tomon kelishuvga erishdi va yangi shartnoma imzolandi.

Azimov asli andijonlik bo'lib, 2023 yildan beri jamoa sharafini himoya qilib kelmoqda. U bungacha, 2019 yilda ham «Andijon» safida to'p surgan.

Yarim himoyachi o'tgan mavsumda barcha musobaqalarda jami 35 ta uchrashuvda ishtirok etib, 1 ta gol muallifi bo'ldi.

Umumiy hisobda esa faoliyati davomida «Andijon» libosida 85 ta o'yinda maydonga tushgan. Ushbu bahslarda 4 ta gol urgan va 5 ta golli uzatmani amalga oshirgan.

Manba: https://t.me/andijonpfc