Skoulz: "Mareska "Manchester Yunayted" murabbiyi roliga mos kelmaydi"

"Manchester Yunayted"ning sobiq yarimhimoyachisi Pol Skoulz "Chelsi"ning sobiq bosh murabbiyi Entso Mareska haqida gapirdi.

"Mareska "Manchester Yunayted"ga mosmi? Men bunday deb o'ylamayman. U "Manchester Siti" uslubidagi murabbiy. Gvardiola "Manchester Siti"ni tark etishi mumkinligi haqida mish-mishlar tarqalmoqda, u bu klubda boshqa klublarga qaraganda ko'proq vaqt o'tkazdi, shuning uchun ko'pchilik uni ertami-kechmi tark etishiga ishonmoqda. Mareska haqiqatan ham Xosep uchun ajoyib o'rinbosarga o'xshaydi. U "Manchester Yunayted"ga to'g'ri kelmaydi, ammo "Manchester Siti"ga to'g'ri keladi", - dedi Skoulz.

Eslatib o'tamiz, kecha, 5 yanvar kuni "Manchester Yunayted" Ruben Amorimning iste'fosini rasman e'lon qildi.