Sherki Xoland bilan qanday munosabatda ekanligini aytdi

"Manchester Siti" hujumkor yarim himoyachisi Rayan Sherki "Siti"ning eng yaxshi to'purari Erling Xoland bilan do'stona munosabatlari haqida gapirdi.

"Erling mening hazillashishni va ko'ngilxushlik qilishni yoqtirishimni darhol angladi. Bu uning qonida ham bor. Biz bir xil to'lqindamiz. Agar maydon tashqarisida yaxshi muloqot qilsak, bu o'yinda ham ko'rinadi. Biz o'zaro munosabatimizdan mamnunmiz", - deya futbolchining so'zlarini keltirdi "Siti" matbuot xizmati.

Sherki bu mavsumda Angliya Premer-ligasida 15 ta o'yinda maydonga tushdi. 22 yoshli frantsuz ikkita gol urdi va ettita golli uzatmani amalga oshirdi.