"Real" Tchuameniga 70 million evrolik o'rinbosar tanladi

AS jurnalistlarining xabar berishicha, "Kristal Pelas"ga tegishli bo'lgan ingliz yarim himoyachisi Adam Uorton ispan grandi safiga o'tishi mumkin.

Manbaga ko'ra, "Real Madrid" 21 yoshli yarim himoyachi bilan shartnoma imzolashga qiziqmoqda. Futbolchining transfer narxi 70 million evroga baholanmoqda. "Los Blankos" Uortonni yarim himoyada frantsuz Orelen Tchouameni o'rniga muqobil sifatida ko'rmoqda.

Bu mavsumda Adam "burgutlar" safida barcha musobaqalarda 27 ta o'yinda maydonga tushdi va uchta golli uzatmani amalga oshirdi. Yarim himoyachining "Kristal Pelas" bilan shartnomasi 2029 yilning o'rtalariga qadar amal qiladi.