«Lokomotiv» o'z safini yangi darvozabon bilan to'ldirdi

“Lokomotiv” futbol klubi Javohir Ilyosov bilan kelishuvga erishdi.

O'tgan mavsumlar davomida “Mash'al” va “Metallurg” kabi jamoalar safida ishonchli o'yin namoyish qilgan, O'zbekiston Olimpiya termasi sharafini himoya qilgan, mamlakat milliy termasiga nomzod, yosh va umidli posbon darvozabonlardan biri Javohir Ilyosov “Lokomotiv” bilan 3 yillik shartnomaga imzo chekdi. Ushbu transfer orqali “Lokomotiv” kelajakka ajoyib poydevor qo'ymoqda.

Yosh bo'lishiga qaramay, Javohir Ilyosov so'nggi mavsumlar davomida o'z jamoalarining asosiy tarkib posboniga aylandi. Javohirning transferini mamnuniyat bilan e'lon qilishdan xursandmiz, — deyiladi "Lokomotiv" rasmiy sayti tarqatgan xabarda.

Javohir Ilyosov
1994 yil 6 fevral kuni tug'ilgan.
“Mash'al” (2014-2017) 48 o'yin, 4241 daqiqa
“Metallurg” (2018) 19 o'yin, 1710 daqiqa