Sulsher "Manchester Yunayted"ni boshqarishga tayyor

"Manchester Yunayted" Ruben Amorim bilan xayrlashganidan keyin bosh murabbiy topish ustida ishlamoqda. Klub jamoaning o'ta beqaror natijalari fonida o'zgarish qilishga qaror qildi.

Manchester World nashrining xabar berishicha, Ole Gunnar Sulsher "Manchester Yunayted" murabbiylik kursisiga qaytishga qiziqish bildirgan. Norvegiyalik "qizil iblislar"ga vaqtinchalik - mavsum oxirigacha murabbiy bo'lishga tayyor.

Shu bilan birga, Sulsherning "Manchester Yunayted" short-listidan joy olishi yoki olmasligi aniq emasligi ta'kidlanmoqda.

Ayni paytda Ole Gunnar Sulsher ishsiz.

Yoz oxirida norvegiyalik mutaxassis "Beshiktosh"ni tark etgandi.

"Manchester Yunayted" APL jadvalida oltinchi o'rinda bormoqda.