"Barselona" Kanselu bo'yicha "Al-Hilol"ga taklif yubordi

"Barselona" "Al-Hilol"ga portugaliyalik himoyachi Joau Kanselu bo'yicha rasmiy taklif yubordi.

Fabritsio Romanoning ma'lum qilishicha, kataloniyaliklar futbolchini ijaraga olmoqchi va maoshining bir qismini qoplab beradi. Klublar o'rtasida muzokaralar davom etmoqda.

Avvalroq, Milanning "Inter" klubi Kanseluning transferi bo'yicha "Al-Hilol" bilan kelishib qo'ygani, ammo futbolchi o'zi uchun ustuvor variant bo'lgan "Barselona" taklifini kutib, vaqt so'ragani haqida xabarlar tarqalgan edi.

2025/2026 yilgi mavsumda Kanselu oltita o'yinda maydonga tushib, bitta gol urdi va ikkita golli uzatmani amalga oshirdi.

31 yoshli futbolchining narxi 10 mln evroni tashkil etadi.