«Napoli» rahbariyati 2026 yilgi asosiy maqsadini aniqlab oldi

Italiyaning "Napoli" klubi prezidenti Aurelio de Laurentis Antonio Konte bilan hamkorlikdan juda mamnun. Mutaxassis 2024 yilning yozida Italiya klubiga ko'chib o'tdi va birinchi mavsumdayoq u bilan chempionlikni qo'lga kiritdi, yaqinda esa Italiya Superkubogini ham qo'lga kiritdi.

Endilikda Il Mattino nashrining yozishicha, "Napoli" prezidentining 2026 yildagi asosiy maqsadi Konte bilan shartnomani uzaytirish hisoblanadi. Gap 2029 yilgacha bo'lgan kelishuv haqida ketmoqda, deya aniqlik kiritadi manba. Taklif allaqachon Antonioning stolida turibdi.

Italiya A Seriyasining navbatdagi turida mamlakat chempioni o'z maydonida "Verona"ni qabul qiladi.