Rasman. «Latsio» hujumchisi APLga ko'chib o'tdi (foto)

"Vest Xem Yunayted" klubi hujumchi Valentin Kastelyanos bilan shartnoma imzolaganini e'lon qildi.

Sky Sports xabariga ko'ra, futbolchining "Latsio"dan transferi 25,2 mln funtga tushgan.

27 yoshli argentinalik futbolchi kelishuvni yana bir yilga uzaytirish imkoniyati bilan 4,5 yilga imzolagan.

Valentin "Vest Xem"da 11-raqamni oldi va APL doirasida "Nottingem Forest"ga qarshi o'yinda klub safida debyut qilishi mumkin.

Kastelyanos A Seriya joriy mavsumida 11 ta o'yinda 2 ta gol va 3 ta golli uzatmaga mualliflik qildi.