Natan Ake ingliz klubi short-listiga kiritildi

"Manchester Siti"ning niderlandiyalik futbolchisi Natan Ake "Bornmut" short-listiga kiritildi.

The Athletic xabariga ko'ra, "olchalar" yanvar oyidagi transfer oynasida Ake bilan shartnoma imzolashdan manfaatdor. Ammo hozircha gap futbolchining qisqa muddatli ijarasi haqida ketmoqda. Ake "Manchester Siti"dagi hozirgi holatidan norozi va ketishni istamoqda. U yaqinlashib kelayotgan jahon chempionatiga yaxshi formada etib borish uchun hech bo'lmaganda mavsum oxirigacha muntazam o'yin amaliyotiga ega bo'lishni istaydi. Shuningdek, Akeni "Atletiko", "Barselona" va bir qator Premer-liga vakillari ham kuzatib bormoqda, ammo hozircha himoyachi uchun "Bornmut" eng ehtimoliy variant bo'lib turibdi.

Joriy mavsumda 30 yoshli Ake barcha musobaqalarda 16ta o'yinda maydonga tushdi va gol urolmadi.