Mbappe Gonsalo Garsiyaning "Real" safidagi het-trigiga munosabat bildirdi

Madridning "Real" klubi hujumchisi Kilian Mbappe "qaymoqranglilar"ning boshqa bir hujumchisi Gonsalo Garsiya Torresning La Liga 18-turidan o'rin olgan "Betis"ga qarshi o'yindagi het-trigiga munosabat bildirdi. "Qirollik klubi" esa 5:1 hisobida raqibdan ustun keldi. Mbappe jarohat tufayli o'yinni o'tkazib yubordi. Katta ehtimol bilan u keyingi bir nechta o'yinlarni ham o'tkazib yuboradi.

"Bum! Tabriklayman va yanada katta muvaffaqiyatlar tilayman. Bombardir Gonsalo Garsiya!", - deb yozdi Mbappe.

Gonsalo Garsiya joriy mavsum "Real" safida jami 18 ta o'yinda (418 daqiqa) maydonga tushdi va o'z hisobiga 3 ta gol hamda 1 ta golli uzatma yozdirib qo'yishga erishdi.