"Liverpul" afsonasi: "Saloh yanvarda ketmaydi, ammo..."

"Liverpul" afsonasi, hozirda futbol mutaxassisi Jeymi Karrager misrlik hujumchi Muhammad Salohning Mersisayd grandidan ketishi mumkinligi haqidagi fikrlari bilan o'rtoqlashdi.

"Jamoada hozir jarohatlanganlar etarli, Isak safdan chiqdi. Shu sababli, klub Muhammadni yanvar oyida qo'yib yuborishi ehtimoldan yiroq. Ammo keyingi bir necha oy Salohning "Liverpul" bilan xayrlashuvi sifatida o'tishi mumkin," - deya futbol mutaxassisining so'zlarini keltiradi Goal.com portali.

Misrlik forvard "Liverpul" safida 2017 yildan buyon to'p tepib kelmoqda. Tomonlar o'rtasidagi amaldagi mehnat shartnomasining muddati 2027 yilning yozida tugaydi.

33 yoshli hujumchi joriy mavsum APLda 14 ta o'yinda maydonga tushib, 4 ta gol urdi va 3 ta golli uzatmani amalga oshirdi.