"Manchester Yunayted"ning 2026 yil yozidagi bosh transfer maqsadi ma'lum bo'ldi

"Brayton" xavbeki Karlos Baleba hamon "Manchester Yunayted"ning yangi yildagi ustuvor maqsadlaridan biri bo'lib qolmoqda. Bu haqda insayder Fabritsio Romano xabar berdi.

Shu bilan birga, manbaning ta'kidlashicha, "chaykalar" rahbariyati bu qishda etakchi yarim himoyachisi bilan xayrlashishni rejalashtirmayapti. "Brayton" Karlosni kamida 2025/2026 yilgi mavsum yakuniga qadar saqlab qolmoqchi.

Hozirda futbolchining bozor narxi 60 million evroga baholanmoqda. U "Brayton" bilan 2028 yilning yarmigacha shartnoma majburiyatlari bilan bog'langan.

Joriy mavsumda Baleba 19 ta bahsda maydonga tushib, gollarda ishtirok etgani yo'q.