Garsiya Vinisiusni ortda qoldirib, Alonso davrida "Real"ning ikkinchi to'purariga aylandi

Madridning "Real" klubi hujumchisi Gonsalo Garsiya La Liga 19-turidan o'rin olgan "Betis"ga (5:1) qarshi o'yinda xet-trik qayd etdi.

Ispaniyalik futbolchi 20, 50 va 82-daqiqalarda raqib darvozasini ishg'ol qildi. 21 yoshli futbolchining hisobida Xabi Alonso bosh murabbiy etib tayinlanganidan beri "qaymoqranglilar" safida ettita gol bor - bu Kilian Mbappedan (30) keyingi ikkinchi ko'rsatkich. Yosh hujumchi maydonda ancha ko'p vaqt o'tkazadigan yulduzlar Vinisius Junior va Jud Bellingemni (oltitadan) ortda qoldirdi.

"Betis"ga qarshi o'yindagi gollar Garsiya uchun joriy mavsumdagi dastlabki gollar bo'ldi, yana to'rtta gol yozda bo'lib o'tgan klublar o'rtasidagi jahon chempionatiga to'g'ri keldi.

Alonso iyun oyi boshida "Real" boshqaruvida Karlo Anchelotti o'rnini egallagandi.